講起強積金(Mandatory Provident Fund)，
相信好多人聽過唔同嘅強積金agent講自己公司有幾好，
又話會幫你「免費整合」，整合強積金好處如何，又話回報會好啲，
但事實上收費係唔係平左，強積金表現又係唔係真係更好呢？
如果你睇輕強積金舊錢而唔去管理，
你有可能會浪費左人生極為重要嘅幾十年。
因為只要你願意管理筆錢，至少可以令你宜家筆錢用24年翻倍，
或者令你所有嘅未來供款喺42年左右翻倍。
而每提升1%複利息，都可以令你慳返幾年到幾十年嘅時間。
如果去睇返一筆過（Lump-sum）同定期供款（Regular saving）嘅複利息價值表：
假設未來通脹維持喺每年3.4%，
今日嘅$100,000可以喺20年內達成每年6%嘅回報，
大約12年時間可以令筆錢翻倍，
到20年後筆錢嘅名義價值係$320,710，
實質購買力就係$320,710 * 51.24% = $164,334
如果你呢20年只係識放喺保守基金入面，
今日嘅$100,000喺20年後只係得返$51,240嘅購買力！
至於regular saving指每隔一段時間有新嘅cash inflow，
因此每筆錢都有唔同嘅滾存年期，可以令所有錢翻倍嘅時間會相對較長。
如果你咁耐以嚟都係返緊同一份工，你可以直接睇下自己賺左幾多%，
然後從下圖搵返自己咁耐以來達到嘅年回報係幾多。
事實上整合或者轉移的而且確唔會收你一分一毫，
不過每間公司本身都「一定」會有本身嘅收費(基金開支比率)，
如果轉移嘅地方唔啱，反而有可能會轉左去收費貴同表現差嘅地方。
「免費整合」好多時只係一般保險agent去認識街客嘅敲門磚，
佢地的確唔會喺轉MPF嘅過程賺到啲咩佣金，
不過若然你唔在意你到底轉左咩類型嘅資產，轉錯都可能令你筆錢蝕多兩錢重。
只要你識轉換強積金計劃，其實可以喺唔洗點管理嘅前提下一定賺到錢，
而且至少可以令你宜家嘅資產用第24年左右翻倍
(Lumpsum – 72 rule)
或者令你所有嘅未來供款唔夠42年就翻倍
(Regular saving – 125 rule)
而每提升1%複利息，都可以令你慳返幾年到幾十年嘅時間。
就算你日後有機會離開香港嘅時候，
都可以提取筆錢嚟用，唔一定要等到65歲。
一般分為供款帳户(Contribution Account)或者個人帳户(Personal Account)。
供款帳户就係你現有公司嘅強積金，當離職夠三個月就會變成個人帳户。
所以當你做過好多份工，就會有好多個Personal Account。
而每一個帳户其實都係跟緊一個強積金計劃(Scheme)，你只可以揀Scheme入面嘅基金組合。
如果想選擇市場上獨有或者表現較好嘅基金，就可能要轉換強積金計劃先做到。
強積金平台入面大部分嘅Index Tracking Funds都有比較大嘅追蹤誤差(Tracking Error)，意思係同追蹤指數有好大出入。
舉個例子，最平嘅index tracking fund係東亞嘅香港指數追蹤基金，
五年嘅年度回報可以同指數表現相差接近2%，總回報相差接近12%。
而同樣追蹤恒指嘅盈富基金(2800.HK)，Tracking Error只係得0.3%-0.8%。
事實上MPF platform入面嘅index tracking fund，
有唔少甚至係直接買盈富基金之後再收費，根本唔太值得買。
如果只係睇基金開支比率，目前強積金平台入面收費最平嘅係指數追蹤基金同埋預設投資策略(Default Investment Strategy)。而其實基金開支比率某程度只係反映風險程度並非基金回報，以收費較高嘅股票基金為例，可以喺十年期內跑贏恒指約40%，成立至今跑贏恒指大約265%；或者基金開支比率相當高嘅保證基金，都可以做到每年3%嘅絕對回報(absolute return)。
DIS由兩隻混合資產基金組成，會根據你嘅年齡決定入面嘅股債比率。
其實DIS本身係一個幾好嘅投資概念，可以令懶人筆錢做到長期增值嘅效果。
但可惜DIS嘅股債比率係根據成員嘅年齡決定而唔係市況決定。
就算你係20歲嘅成員，
並唔代表恒指40,000點或PE25倍嘅時候都應該繼續持有股票。
換句話講，如果你將已經買落嘅iphone由$5,000炒到上$30,000，
你都會識得將一部份嘅iphone套現轉返做現金，再等候另一個timing入貨。
因此，股債比率應該先按照價值高低而唔係年齡而定。
目前最簡單嘅管理可以直接將資金轉去china life嘅保證基金，
可以喺任何時間有不少於每年3％嘅淨回報。
或者睇市場嘅PE Ratio (市盈率)去改變自己嘅投資組合：
當股市去到相對較貴或者瘋狂嘅時候持有更多保證基金，
股市去到相對較低甚至股災嘅時候持有更多股票基金。
講呢句說話嘅人係冇研究過保證基金嘅特性。
保證基金會分為硬保證(hard guarantee)同埋軟保證(soft guarantee)，
前者唔需要符合任何條件，後者就需要符合一定嘅年期，
兩者嘅目的都係令資產可以保底賺到錢。
BCT平台上面可以選擇到嘅市場都幾廣泛，入面嘅收費同回報都比平均好。
比較過幾間強積金公司嘅Apps，暫時我認為BCT Apps嘅介面同操作比較方便。
除左透過佢地Apps轉換基金可以T+1內完成，
亦都可以用Apps直接睇到邊一隻基金賺左幾多或者蝕左幾多。
而且每月都會有手機短訊提示返你帳户結餘，提醒返你定期管理自己筆錢。
目前強積金平台有14個受託人，32個強積金計劃
總共556隻基金入面，平均開支比率係1.56%，平均風險標記中位數係9.33％
雖然目前整個MPF平台有556隻基金可以選擇，
但實際上你只可以按每個帳户背後嘅強積金計劃入面選擇基金組合。
如果想選擇市場上獨有或者表現較好嘅基金，就可能需要轉換強積金計劃先做到。
強積金本身係一個買賣基金嘅平台，
而基金係「分散風險」嘅工具，每種基金都代表唔同嘅投資組合(portfolio)，
視乎唔同基金嘅investment objective，會限制基金背後買嘅市場同資產類別。
由於市場上有超過10間強積金受託人，市民最常提出的疑問便是：「MPF整合邊間好？」我們可以透過以下的方法篩選出合適自己的強積金：
1. 基金是否多元化
2. 基金平均表現如何
3. 基金平均收費會否太高
4. 限時的推廣優惠
其中股票基金主要分為主動式基金及被動式基金，
主動式基金會根據唔同嘅市況做買賣，雖然大致上會買返指數入面嘅股票，
但持貨比重同指數會有差異，因此未來升跌未必同指數直接掛勾；
被動基金就大致同指數嘅未來升跌掛勾，
不過最終表現會同指數有追蹤誤差(Tracking Error)
例如盈富基金(2800.HK)就按照恒指50隻成分股咁分配，
基本上同恒指有每年0.3%-0.8%嘅誤差。
以香港市場為例，睇返收費最平(BEA)及表現較好(HSBC)嘅被動式基金，
你會發現MPF嘅被動基金tracking error大概係每年1-2%，
表現比盈富基金嘅tracking error 0.3%-0.8%明顯有較大差距。
甚至18隻恒指基金入面，原來有12隻係直接持有100％盈富基金，
意思係呢類基金唔需要時間set porfolio嘅情況下仍然收你每年0.8%以上嘅收費。
對比同時期香港市場嘅主動式基金，雖然表現唔一定超越指數，
基本上表現都超越同恒指表現有較大誤差嘅MPF被動基金。
因此如果希望拎到更大嘅潛在回報或者合理回報，主動式基金可能會更合適。
如果唔希望承受風險或者想parking，MPF平台已經有唔錯嘅保證基金，
china life有隻hard guarantee嘅保證基金，可以確保喺任何時候有至少每年3%＾嘅淨回報。如果放十年時間，已經可以用較低風險賺到48%。
至於點去提高你筆錢嘅長期回報呢？
最簡單嘅管理可以靠睇市場嘅PE Ratio (市盈率)去衡量市場風險嘅高與低。
如圖所示，當PE Ratio 高於平均數甚至處於15年嘅最高位，你可以酌量將資金逐步抽離較貴嘅美國市場，減少自己承受嘅風險，再將資金轉移到價值較低嘅股票市場或者相對穩定嘅保證基金，長遠就可以提高自己嘅潛在回報。
簡單咁講，當股市去到相對較貴或者瘋狂嘅時候Hold多啲保證基金，
股市去到相對較低甚至股災嘅時候Hold多啲股票基金，
長線已經可以令你拎到比較可觀嘅潛在回報。
只要你識轉換強積金計劃，
其實可以喺唔洗點管理嘅前提下一定賺到錢，
而且回報已經比銀行定期好得多。
即使你日後有機會離開香港，
都可以隨時提取筆錢嚟用，唔一定要等到65歲。
＊以上資料只供參考，請以該計劃條款細則為準。
＾該計劃已經調低保證利率。
如果大家對保險/強積金有任何問題或想我幫你報價，可以直接inbox
https://www.facebook.com/DarkMoneyHK/
或去click入以下link: https://goo.gl/2cbo7D
由2016創立至今，我們已服務超過5,000人。
專家將會於3日內與你聯絡確認會談時間。
另外，為保障資源，沒有回覆將被列入不服務名單。
免責聲明：
本網站所提供的資料只供參考之用。雖然DarkMoney已盡力確保資料準確無誤，但DarkMoney不會就提供的資料的準確性作出任何明示或隱含的保證 ，讀者不應視以上資料為要約。
本專頁一切言論不代表任何保險公司，並不構成任何要約，招攬，邀請，誘使或任何建議及推薦。讀者請獨立思考及自行作出決定，如因相關言論或文章招致任何損失，概與本網頁「DarkMoney 黑識理財」無關。
其他網站或許與本網站有所連結，又或本網站亦為第三者網站提供連結。DarkMoney對這些網站的內容概不負責。本網站或會載有其他方面提供的資料，DarkMoney並沒有批准或批署這些資料的準確性。
如因與本網站有關的合約、侵權或任何因由而引致任何損失或損害，DarkMoney不會承認任何責任及法律責任。DarkMoney有絕對酌情權隨時刪除、暫時停載或編輯本網站的各項資料而無須給予任何理由。用戶須負責自行評估本網站包含或與之有關的所有資料，在依賴這些資料前應先核實資料的真確性或徵詢獨立意見。
DarkMoney 黑識理財是一個提供保險資訊的網站，不是一間持牌保險經紀公司或是一間持牌保險公司。因此，本網頁的內容僅供一般教育及參考用途，並不構成任何保險、理財、投資，或其他專業建議，亦不可以參與任何香港法例第四十一章《保險業條例》所定義的「受規管活動」，不會對任何產品作出推廣、建議、邀約，或就產品對閣下的適合性作出評估。
購買任何保險產品或進行有關保險決定前，閣下應以保險公司提供的資料為準，及尋求持牌保險中介人的獨立及專業意見。
網站之任何資料是以最大努力從不同渠道收集、驗證、更新而成。DarkMoney 黑識理財、關連人士、代理、董事、職員、員工將不會就有關資料引致的索償或損失負上任何責任，亦不保證或擔保有關資料之準確性、完整性和適時性。
