fbpx

一年一度稅季又來臨 綠色炸彈炸到你頭暈(下)

一年一度稅季又來臨 綠色炸彈炸到你頭暈(下)

每周最新理財資訊!

透過電郵了解更多理財文章,做一個精明的理財計劃者。

本人同意使用條款以及按私隱政策接受推廣資訊。

上文提到,報稅期間打工仔面對個人入息稅薪俸稅嘅問題,咁有物業在手嘅人士或者各位老闆喺報稅嘅時候,又會遇到咩問題呢?

以下幾個情況,會為大家講解更多有關物業稅同利得稅嘅注意事項,其中值得關注嘅,係到底分開報物業稅/利得稅/薪俸稅,同選擇以個人入息課稅方式評稅,邊一項對業務經營者而言更為有利。

例子四:

一年一度稅季又來臨 綠色炸彈炸到你頭暈(下)

過去一年對好多行業嚟講都稱得上係寒冬,尤其飲食業/酒吧經營者更加係叫苦連天,作為獨資經營嘅創業者,喺接連虧損之下仍然要交稅,豈不是雪上加霜?到底有無方法可以交少啲稅減輕壓力?

解答:

其實報稅嘅時候,需要交利得稅/物業稅嘅課稅者,都可以選擇用唔用個人入息課稅評稅,如果喺上述情況下,以個人入息課稅方式評稅,分分鐘可以幫你慳返一筆!

因為業務經營者,可以以業務虧損金額抵銷應課稅入息實額。例如你嘅薪俸收入金額係$400,000,而你獨資經營業務嘅虧損金額係$100,000,你就可以睇到兩種方式嘅差別。

一年一度稅季又來臨 綠色炸彈炸到你頭暈(下)

一來一回,原來以後者方式評稅,你足足可以慳返$4,680,所以選擇用邊一種方式報稅,其實都可以有好大嘅差別。

不過記得留意一點,如果喺疫情之下仍然經營有方,而同時又需要繳納薪俸稅嘅人士,以上述方法評稅未必有利,所以選擇之前記得要計算清楚!

其實面對疫情,除咗透過慳稅節流之外,有效地開源亦非常重要,所以適當地尋求商業支援,對拓展業務有利無害,詳情可以查詢BAFS Instagram。

Instagram: bafs.hk

我地嘅年青會計師團隊,會為客戶提供審計、會計及財務報表、稅務建議、公司秘書、申領政府資助、各類企業支援等服務,為個人及企業客戶排難解紛。

例子五:

一年一度稅季又來臨 綠色炸彈炸到你頭暈(下)

對好多香港人嚟講,努力拼搏賺賺埋埋,都係希望可以「上車」,有塊磚頭傍身。更甚環境好啲嘅,就希望可以有樓收租增加收入。

不過只要你持有物業,就需要申報及繳納物業稅,咁到底有無方法可以減少稅額呢?

解答:

自住物業同收租物業都有一個非常關鍵嘅慳稅方式,就係「物業利息支出」(只包括購入物業時之按揭/貸款利息支出,不包括加按)。

自住物業慳稅方式

如果置業嘅時候,你係以按揭方式買入,喺計算個人入息課稅嘅時候,就可以每月供款中嘅利息部分作扣稅額。可以扣稅嘅課稅年度長達20年(須為連續20年),每年上限為$100,000。

而開始使用扣稅額嘅年度並無限制,即係唔需要購入第一年就開始使用,業主可以因應情況選擇最佳開始年期。不過普遍情況下,按揭利息都係「高開低收」,所以正常嚟講喺第一年開始使用,可以得到更多免稅額。

收租物業慳稅方式

收租物業嘅貸款利息同自住物業唔同,並無年期限制,不過就必須以個人入息課稅評稅方式,先可以享用扣稅額。另外,只有喺物業出租期間,先可以扣減利息支出。

收租物業應繳物業稅稅額

出租物業應評稅淨值 (年度租金收入減去20%修葺及支出標準免稅額)  x  物業稅標準稅率 (15%)

以個人入息課稅方式計算

(出租物業應評稅淨值–按揭利息支出)  x 標準稅率  (未計算免稅額)

假設出租單位每月租金收入為$40,000,出租12個月,按揭利息全年共$42,000,以兩種課稅方式計算稅額差別如下:

一年一度稅季又來臨 綠色炸彈炸到你頭暈(下)

撇除免稅額尚未計算,兩者差別可達$41,430。

例子六:

一年一度稅季又來臨 綠色炸彈炸到你頭暈(下)

無論係做邊一門生意,Cash flow對一間公司可以順利營運非常重要。今年各行各業面對前所未見嘅劣勢,除咗個人入息課稅之外,仲要處理公司嘅利得稅,可以算得上「百上加斤」。

無論係個人定係公司,如果係交稅上遇到困難,又唔想借貸解決,仲有咩方法呢?

解答:

先簡單講解一下,香港企業每年必須交付的稅只有利得稅一項,利得稅以企業純利按比例徵收,如果該年沒有盈利,就不需要交稅。

所以對於純利唔高嘅業務而言,交稅有機會帶來財政負擔。

無論係個人入息課稅,定係公司嘅稅項,如果納稅人財政上出現困難而未能按時交稅,可以聯絡稅務局追討欠稅組申請分期繳付稅款。

申請嘅時候,納稅人可以提出分期繳稅建議,而喺申請批出前,納稅人可暫時按照分期繳稅建議繳款(一般不會批准長還款期的分期繳稅申請)。

所有喺繳稅限期當日未清繳的稅款,首6個月會被加徵5%附加費,而其後仍未繳交總額(包括稅款及附加費)則會再加徵10%附加費。

有關申請須在繳付暫繳稅限期前28天;或在繳付暫繳稅通知書發出日期後14天內送交稅務局,至於有關申請嘅詳情同表格,就可以瀏覽以下網址:

而提出申請時,就需要提交以下資料:

一年一度稅季又來臨 綠色炸彈炸到你頭暈(下)

手續唔算複雜,但係對於平時無特別處理帳項嘅公司或個人而言,都會構成一定麻煩。為咗避免遇上各類財務問題,不同大小規模嘅公司,都會搵專家協助管理帳務。

例如BAFS就會為客戶提供會計及公司財務報表服務,亦會係稅務計劃等方面,制定最適合方案,其中包括年度審計報告,為你提供更清晰方向,提前做好稅務規劃。

總括而言,計算稅款主要由以上幾個部分組成。喺大部分情況下,普通市民用個人入息課稅方式評稅,可以得出較低繳稅額,只要學識以上計算方法,就唔怕因為綠色炸彈而失去預算。

如果納稅人申報個人入息課稅反而需要支付更多稅款,稅務局亦會以納稅人利益為優先,以分類評稅方式分別發出評稅通知書,所以只需要正確申報所有收入、支出,基本上唔需要擔心畀多咗稅!

如果有更多問題唔明白想了解,無論係個人定係公司帳務都好,歡迎透過以下預約聯絡BAFS查詢。

由於BAFS團隊有別傳統,致力以最貼地、有效率嘅方法,為不同階層客戶提供優質服務,只要你有稅務上嘅疑難,隨時可以向我地求助。如果你對稅務上仲有其他問題,亦歡迎向我地提出,我地會繼續透過唔同渠道,為大家一一解答!

如果你希望聯絡持牌顧問了解更多, 可以透過以下提交表格:

看完這篇文章,如果你想:

【查看更多同類文章】可以拉到最底閱讀更多
【保險查詢】點擊右上角的預約鍵

DarkMoney黑識理財是一個以「揭密真相」為宗旨的平台,提供各種類型的資訊,更設有「E+保險比較」讓你更容易找出合適產品!

分享給你的朋友

Share on facebook
Share on whatsapp

版權所有 © 2021 darkmoneyhk.com · 保留所有權利

免責聲明:

雖然本網站內的內容是取自獲相信為正確的資料,但DarkMoney均不會對本資料內容之準確性、完整性、適時性、精確性作出任何聲明或保證。DarkMoney及其關聯公司並不負上或承擔任何向任何人士或投資者作出建議的責任,亦不會就任何因為或就有關於使用或倚靠本資料或本資料之任何內容而引起之直接、間接或後果性損失承擔任何責任。投資者在作出任何投資或購買任何產品的決定前,應細閱有關銷售文件(包括認購章程,如有)。沒有DarkMoney的事先書面同意,任何人士不得(i)複印或以任何形式或方法複製或(ii)再分發本文件或其任何內容。DarkMoney不會對任何不正確使用本文件或未獲授權分發本文件承擔任何責任。如欲索取更多關於本資料之內容,可聯絡所屬的保險公司或提供融資的銀行。

本網站一切言論不代表任何保險公司,並不構成任何要約,招攬,邀請,誘使或任何建議及推薦。讀者請獨立思考及自行作出決定,如因相關言論或文章招致任何損失,概與本網頁「DarkMoney 黑識理財」無關。

其他網站或許與本網站有所連結,又或本網站亦為第三者網站提供連結。DarkMoney對這些網站的內容概不負責。本網站或會載有其他方面提供的資料,DarkMoney並沒有批准或批署這些資料的準確性。

如因與本網站有關的合約、侵權或任何因由而引致任何損失或損害,DarkMoney不會承認任何責任及法律責任。DarkMoney有絕對酌情權隨時刪除、暫時停載或編輯本網站的各項資料而無須給予任何理由。用戶須負責自行評估本網站包含或與之有關的所有資料,在依賴這些資料前應先核實資料的真確性或徵詢獨立意見。